Kesak qishlog’i haqida eshitganmisiz?

Kesak qishlog’i haqida eshitganmisiz? – Andijon oblasti, Jalaquduq rayonida. Toponimni kesak so’zi bilan bog’laydilar. Aslida toponimning bu so’z bilan hech qanday aloqasi yo’q. Bu nom aslida so’g’d tilidagi kes yoki kesh so’zi asosida vujudga kelgan. Kes atrofi devor bilan o’ralgan joy, qal’a degan ma’noni anglatadi. Ak kichiklik bildiruvchi affiks. Kesak “kichik qal’a, kichik qishloq” demakdir. Kesakli (Buxoro oblasti, Olat rayonida) toponimi ham shu nom bilan aloqador.