Konsul

Konsul (lotincha consul-maslahatchi)-1) Qadimgi Rimda ilk respublika davrida vujudga kelgan oliy mansabdor shaxs. Konsullar 2 kishidan iborat tartibda dastlab 1 yillik muddatga faqat patritsiylar tomonidan saylangan. Miloddan avvalgi 367 yildan so’ng Konsullardan biri plebeylar orasidan saylangan. Konsul xalq yig’inlari va senatni chaqirgan. Favqulodda hollarda Konsulga cheksiz huquqlar bergan. Konsul imperiya davrida o’z amaliy ahamiyatini yo’qotib, faxriy unvonga aylangan; 2) o’rta asr Shimoliy va Markaziy Italiya shaharlaridagi oliy mansabdor shaxs. VIII asrning 1-yarmida Konsullar fuqarolar tomonidan, asosan, 1 yilga 4-12 kishidan iborat tarkibda saylanib, oliy ijroiya, ma’muriy, moliyaviy, sud va qisman qonun chiqaruvchi hokimiyatga egalik qilgan va shahar patritsiylari manfaatini ifoda etgan; 3) bir davlat tomonidan boshqa davlat hududida o’z mamlakati, uning yuridik shaxslari va fuqarolari manfaatlarini himoya qilish, 2 davlat orasida siyosiy, iqtisodiy, ilmiy va madaniy aloqalarni rivojlantirishga yordam berish uchun tayinlanadigan mansabdor shaxs.