KUBACHINLAR

KUBACHINLAR (o’zlarini urbugan deb ataydilar) — Dog’istonda yashovchi darg’inlar tarkibidagi etnik guruh. Dog’iston (Kubachi posyolkasi) da 2 ming kishi, Rossiya Federatsiyasida 4 ming kishi (1990-yillar o’rtalari) yashaydi. Darg’in tilida so’zlashadi. Dindorlari — sunniy musulmonlar. Metallga badiiy ishlov berish bilan mashhur. Asbob, buyumlarni o’yib, zarb berib, hallab, emallab, qimmatbaho, rangli toshlar qadab, inkrustasiya usulida Kumushni qoraytirib naqshlab bezatishgan. Vaqshlar o’simliksimon shakllardan iborat bo’lib, o’ziga xosligi bilan ajralib turadi.