O’ZAL TURG’UT

O’ZAL TURG’UT (1927.13.10, Malatiya, Turkiya, — 1993.17.4, Anqara, Istanbulda dafn etilgan) — Turkiya davlat va siyosat arbobi. 1980-82 yillarda davlat vaziri, 1983-89 yillarda bosh vazir, 1989 yil 9 noyabrdan Turkiya prezidenti. Istanbul texnika universitetini tugatgan (1950); xususiy kompaniyalarda o’qituvchilik qilgan. «Ona Vatan» partiyasini tuzgan. 1983-89 yillarda partiyaning bosh raisi. O’zal qat’iy islohotlar o’tkazib, iqtisodiyotni taraqqiyot yo’liga olib chiqdi. Uning ochiq iqtisodiy siyosati natijasida ishlab chiqarish eksportga yo’naltirildi, xususiylashtirish boshlandi, erkin tijorat mintaqalari barpo qilindi va Turkiya iqtisodiyoti jadal rivojlana boshladi. Turizm yuqori darajada taraqqiy topdi. O’zal 1993 yil 4-7 aprel rasmiy tashrif bilan O’zbekistonda bo’lgan.