O’ZBEKISTON RESPUBLIKASI QUROLLI KUCHLARI AKADEMIYASI

O’ZBEKISTON RESPUBLIKASI QUROLLI KUCHLARI AKADEMIYASI — O’zbekiston Respublikasi Qurolli kuchlari uchun yuqori malakali harbiy kadrlar tayyorlovchi muassasa. O’zbekiston Respublikasi Vazirlar Mahkamasining 1994 yil 15 avgustdagi «O’zbekiston Respublikasi Qurolli Kuchlari akademiyasini tashkil etish to’g’risida»gi 414-49 sonli qaroriga muvofiq, 1995 yil 2 sentyabrda tashkil etildi. Akademiya oliy qo’mondonlik tarkibiga, tezkor-taktik ixtisosga ega oliy malakali harbiy, ilmiy-pedagogik va ilmiy kadrlar tayyorlashga, tadqiqotlar o’tkazishga, shuningdek, O’zbekiston Respublikasi Qurolli Kuchlari uchun katta va oliy ofitserlarni tezkor-strategik tayyorlash, katta va oliy ofitserlarning kasbiy tayyorgarlik malakasini oshirish uchun harbiy fan muammolarini o’rganishda fundamental, qidiruv va amaliy tadqiqotlar o’tkazish, harbiy siyosat, qurolli kuchlar qurilishi va tayyorgarligi bo’yicha amaliy masalalarni tadqiq etishga mo’ljallangan. Akademiyada tinglovchilar 2 yil davomida saboq olishadi.