Shpeman Xans

Shpeman Xans (1869.27.6, Shtutgart 1941.12.9, Frayburg, Baden) — nemis embriologi, eksperimental embriologiyaning asoschilaridan biri. Geydelberg, Myunxen, Vyursburg universitetida o’qigan. Rostok (1908-14) va Freysburg (1919— 37) universitetida professor. Berlindagi biologiya instituti direktori (1914-19). Ilmiy faoliyati suvda va quruqlikda yashovchilarning eksperimental embriologiyasiga oid. Shpeman Xans izlanishlari rivojlanayotgan embrion qismlarining o’zaro bog’liqligi, determinasiya va boshqalar jarayonlarni o’rganishga zamin yaratdi. Nobel mukofoti laureati (1935).