Sibizg’a, sibiziq, cho’pon nay

Sibizg’a, sibiziq, cho’pon nay — 1) tilchalipuflama o’zbek xalq musiqa cholg’u asbobi. Hozirda, asosan, cho’ponlar orasida tarqalgan. Qamishdan yasaladi. Diametri, odatda, 5-6 mm, uz. 140-150 mm bo’ladi. Ustki tomonida, puflana- digan uchining 10-15 mm pastrogida tilchasi, undan quyida uchta teshikcha- si bo’ladi. Diapazoni, odatda, seksta. S.da ko’proq oddiy cholg’u mashqlar, xalq qo’shiqlari kuylari chalinadi; 2) qozoq puflama musiqa cholg’usi. Uzun (80-90 sm), to’g’ri ushlab chalinadigan nayning turi. 5-6 barmoq teshiklari mavjud. Diapazoni 1,5 oktava atrofida. Profes- sional cholg’ular qatoridan o’rin olgan qozoq S.sida rivoyat kuylar, xalq lirik qo’shiqlarining kuylari ijro etiladi.