«TALABA» SPORT UYUSHMASI

«TALABA» SPORT UYUSHMASI — O’zbekiston Respublikasidagi oliy va o’rta maxsus o’quv yurtlari o’quvchilari hamda talabalarining sport uyushmasi. 2002 yil 25 dek.da tuzilgan. Oliy va o’rta maxsus o’quv yurtlarining talabalari, magistr, aspirant, prof.o’qituvchilari, ilmiy xodimlari, ishchi, xizmatchilari o’rtasida jismoniy tarbiya, sport va turizmni ommalashtirishga da’vat etilgan. Toshkent shahar, viloyatlar va Qoraqalpog’iston Respublikasida uyushmaning bo’limlari, oliy o’quv yurtlarida esa «talaba» sport klublari tuzilgan. «Talaba» sport uyushmasi har 3 yilda 1 marta 20 ga yaqin sport turlari bo’yicha Universiadalar o’tkazadi. Universiadalar oralig’ida sport turlari bo’yicha chempionat va kubok musobaqalarini uyushtiradi. 1universiada Namangan shahrida bo’lib o’tgan (2000). Uyushma safida 87 184 a’zo bo’lib, ulardan 20 mingga yaqini sport sektsiyalarida muntazam shug’ullanadi, 9272 nafar 3 va 2 razryadli, 2742 nafar 1 razryadli, 858 nafar sport ustaligiga nomzod, 636 nafar sport ustasi, 97 nafar xalqaro toifadagi sport ustasi bor (2003). Oliy ta’lim muassasalaridagi 120 ta sport zali, 52 ta futbol maydoni, 71 ta qo’l to’pi maydoni, 150 ta voleybol maydoni, 113 ta basketbol maydoni, 87 ta yugurish yo’lakchasi, 11 ta suzish havzasi, 42 ta tennis korti «Talaba» sport uyushmasi a’zolari xizmatida.