TUYNUK

TUYNUK — bino devori, shiftiga maxsus ishlangan teshik: to’rtburchak, doyra shaklida bo’ladi. Tuynuk xona ichiga yorug’lik tushishini, havo almashinib turishini ta’minlaydi. Ayrim kulba, o’tovlarda hamda mahalliy oshxona, tandirxonalarda shiftga, devorning yuqori qismiga ishlangan Tuynuklar tutun chiqishiga xizmat qiladi. Masjid, madrasa, Tim, toqi kabi binolarda Tuynuk panjara bilan bezatilgan. Harbiy istehkom va qal’a devorlarida Tuynukdan o’q otish, dushmanni kuzatish va boshqa maqsadlarda foydalaniladi.