Ukkilar

Ukkilar (Bubo) — yapaloqqushlar urug’i. Uzunligi 30-72 santimetr. Boshida «quloq» deb ataladigan patlari yaxshi rivojlangan, barmoqlari patli. 12 turi ma’lum. Avstraliya va Antarktidadan boshqa hamma qit’alarda uchraydi. Oddiy Ukkilar Afrika, Yevropa va Osiyoda tarqalgan. O’zbekistonda cho’l, dasht va tog’lardagi odam bormaydigan ovloq hududlarda yashaydi. Yerda, qoya toshlar orasida uya kuradi; ba’zan daraxtlardagi yirik qushlar tashlab ketgan uyalarni egallaydi. 2-6 ta tuxum qo’yadi. Har xil mayda kushlar, kemiruvchilar, quyon, o’rdak, kurlar va boshqa hayvonlar bilan oziqlanadi.