Uteniyozov Allaniyoz

Uteniyozov Allaniyoz (1936.8.2, Kegeyli tumani) — O’zbekiston Qahramoni (2001), O’zbekiston xalq o’qituvchisi (1992), Qoraqalpog’iston Respublikasida xizmat ko’rsatgan o’qituvchi (1986). Qoraqalpogiston pedagogika institutining ingliz tili fakultetini tugatgan (1962). Nukus tumanidagi 4-o’rta maktabda Iigliz tilidan dars bergan (1962-1994). Uteniyozov o’qituvchilik paytida «Saxovat» fermer xo’jaligi tashkil etgan edi, pensiyaga chiqqandan keyin ham shu xo’jalikni boshqarib kelmoqda. Uteniyozov nogiron va yordamga muhtoj qariyalarga 42 ta uy-joy, «Nukus» shirkat xo’jaligi hududida 2 maktab, 2 akusherlik punkti, 2 bolalar bog’chasi va 1 kutubxona binolarini qurib bergan. «Mehnat Shuhrati» ordeni bilan mukofotlangan (1995).