Vajpayi Atala Bixari

Vajpayi Atala Bixari (1924. 25. 12, Guvalyor, Madhya-Pradesh shtati) — Hindiston Respublikasi davlat va siyosat arbobi. 1942 yil mustaqillik harakatida faol qatnashganligi uchun qamalgan. Vajpayi 1957-86 yillarda Jana Sangx, Bharatiya Jana Sangx, Janata, Bharatiya Janata partiyalari ta’sischi-a’zosi va rahbari. 1980-84 yillarda, 1986 yil va 1993— 96 yillarda Bharatiya Janata parlament partiyasi yetakchisi. 1977-80 yillarda Hindiston tashqi ishlar vaziri. 1966-70 yillar, 1986 yil va 1988-96 yillarda Hindiston parlamenti qo’mitalarida ishladi. 1996 yil 16-31 may va 1998 yil 19 martdan Hindiston bosh vaziri. Bir qancha she’rlar hamda nutqlar to’plami bosilib chiqqan. Falsafa Doktori faxriy unvoniga ega.