Vengriya telegraf agentligi
Vengriya telegraf agentligi, VTA (Magyar Tavirati Iroda, MTI) — Vengriya davlat axborot agentligi. 1880 yilda asos solingan. Budapeshtda joylashgan. Xorijiy mamlakatlarda o’z muxbirxonalariga ega. 20 dan ortiq mamlakat bilan shartnoma asosida muntazam hamkorlik qiladi. Vengriya matbuoti, radioeshittirish va televideniesi hamda xorijiy mamlakatlar uchun xalqaro va ichki ahvol haqida ingliz, frantsuz va boshqa tillarda tezkor axborotlar yetkazib beradi, byulletenlar chiqaradi.