Xalqaro olimpiada qo’mitasi

Xalqaro olimpiada qo’mitasi (XOQ) — olimpiada harakatining oliy rahbar organi; hukumatga qarashli bo’lmagan xalqaro sport tashkiloti. 1894 yil P. De Kuberten tashabbusi bilan Olimpiada o’yinlari o’tkazishni boshqarib turish, bu o’yinlarning ijtimoiy ahamiyati va obro’sini ko’tarish, havaskorlik sportini rivojlantirishga va barcha mamlakatlar sportchilari o’rtasida do’stlikni mustahkamlashga «ko’maklashish maqsadida tuzilgan. XOQ — doimiy ishlaydigan tashkilot, o’z a’zolarini turli mamlakatlardagi sport harakatining eng faol tashkilotchilari orasidan tanlab oladi. XOQ ijroiya qo’mitasi president (8 yil muddatga saylanadi), uch vise prezident va 5 nafar a’zodan iborat. Olimpiada o’yinlari Xartiyasi — XOQning ustav hujjatidir. XOQ sessiyalari har yili o’tkaziladi, Olimpiada o’yinlari bo’ladigan yillarda — ikki marta: yozgi va qishki o’yinlar vaqtida o’tadi. Olimpiada o’yinlari vaqtida XOQ musobaqalarni o’tkazishga rahbarlik qilish huquqini xalqaro sport federatsiyalariga beradi. XOQ hozirgacha 200 dan ortiq milliy Olimpiada qo’mitalarini (shu jumladan, 1993 yil O’zbekiston milliy Olimpiada qo’mitasini) tan olgan. XOQ qarorgohi Lozanna (Shveytsariya) shahrida joylashgan.