YAGUAR

YAGUAR — katta Mushuklar urug’iga mansub yirtqich sut emizuvchi. Gavdasining uzunligi 2 metrgacha, dumi 75 santimetrgacha. Jussasining ko’rinishi yo’lbarsga o’xshash; qizg’ish yungida qora dog’lari va halqalari bo’ladi. Janubiy , Markaziy Amerika va shimoliy Amerikaning janubida tarqalgan. Tropik va subtropik o’rmonlarda, ahyonahyonda tog’larda uchraydi. Daraxtlarga chiqa oladi. Tuyoqlilar, maymunlar va kemiruvchilar bilan oziqlanadi. Soni kamayib ketgan. Tabiatni muhofaza qilish xalqaro Ittifoqi Qizil kitobiga kiritilgan.