YOQUBOV BEKJON

YOQUBOV BEKJON (1893, Xiva — 1979) — o’ymakor usta, kandakor. Xivalik usta Karimdan me’morlik va naqqoshlikni o’rgangan. Nurillaboy saroyini bezashda qatnashgan. Navoiy teatrining Xiva zalini usta Ro’zimat arbob, A. Boltayevlar bilan birga ganch o’ymakorligi bilan bezagan. Yoqubov yaratgan oftoba, choydish, patnis, mis kosa, qanddon, guldonlar xalq amaliy san’atining ajoyib namunalaridir. 1952 yildan Yoqubov asarlari respublika va xalqaro ko’rgazmalarda namoyish qilinadi, respublika va chet mamlakatlar muzeylarida saqlanadi.