Kapalakgul

Kapalakgul (Viola hortensis grandi fl ora Witt.) — binafshadoshlar oilasiga mansub bir va ikki yillik manzarali o’simlik. Yevropa va Osiyoda o’sadi. Poyasi tuksiz. Bargi tuxumsimon, uzun bandli. Guli ko’pincha uch tusli, ikki jinsli, gulbandi uzun. Kosachabarg va tojbarglari 5 tadan, tutashmagan. Changchisi 5 ta, urug’chisi bitta. Mevasi — ko’p urug’li ko’sak. Erta bahordan kech kuzgacha gullaydi. Kapalakgul manzarali o’simlik sifatida xonadonlarda, istirohat bog’larida o’stiriladi.