ZOOXLORELLALAR

ZOOXLORELLALAR (Zoochlorella) — turli umurtqasiz hayvonlar (infuzoriyalar, gidralar, g’ovaqtanlilar va boshqalar) tanasida simbioz yashaydigan bir hujayrali yashil suvo’tlarning umumiy nomi. Zooxlorellarning hayvonlar bilan birga yashashi har ikkala organizm uchun ham foydali; fotosintez jarayonida Zooxlorellar ishlab chiqargan uglevodlarni hayvon iste’mol qilsa, o’z navbatida, Zooxlorellar hayvon hujayrasida yashash va ko’payish uchun zarur sharoit topadi.