Avers

Avers (fransuzcha avers, lotincha adversus-yuzi bilan qaragan so’zidan)-tanga yoki medalning old tomoni. Tarixiy adabiyotlarda tanga (medal)ning yuz tomonini belgilash borasida yagona fikr yo’q. Lekin quyidagi xususiyatlarga ega tomonini Avers hisoblash ko’pchilik tomonidan qabul qilingan: a) davlat rahbari, monarx va boshqalarning portreti tasviri; b) davlat gerbi, emblemalari va hokazolar aks etishi; v) davlat yoki joy nomi bilan bog’liq afsona qayd qilinishi; g) hukmdor nomi bilan bog’liq afsona qayd qilinishi.