Libertinlar

Libertinlar (lotincha libertinus-ozod qilingan)-Qadimgi Yunoniston va Qadimgi Rimda, shuningdek, ilk o’rta asrlarda G’arbiy Yevropada ozodlikka chiqarilgan yoki ozodlikni sotib olgan qullar. Erkinlikni qo’lga kiritgan qulning ozodlik darajasi turlicha edi. Qadimgi Yunonistonda Libertinlar fuqarolik huquqini olmaganlar, sobiq xo’jayini homiyligi ostida meteklarga aylanganlar. Qadimgi Rimda esa Libertinlar sobiq xo’jayinining familiyasini olgan va fuqaroga aylangan, lekin magistraturaga saylanish va qo’shin xizmat qilishi taqiqlangan.