Автор: Admin

Gipofarinks nima degani — halqumning ostki, qizilo’ngachgacha bo’lgan qismi.

Gipotrofiya nima degani — 1) a’zo yoki uning bir qismi hajmining kamayishi; 2) bolalarda oziqlanishning surunkali buzilishi natijasida organizm holdan toyadi.

Gipofiz nima degani — miya ortig’i kichik sharsimon yoki ovalsimon shaklli, bir qancha gormonlarni ishlab chiqaradigan, turk egarida joylashgan ichki sekretsiya bezi.

Gippokrat yuzi nima degani — qorindagi a’zolarning og’ir kasalliklarida yuz holarining o’zgarishi, buni dastlab Gippokrat qayd etgan. Masalan, tarqoq peritonitda, ichak o’tkazuchanligi to’xtaganda, vaboda kuzatiladi.

Gippokrat shovullash tovushi nima degani — Gippokrat ta’riflab bergan tovushli fenomen; plevra bo’shlig’ida bir vaqtda suyuqlik bilan gaz paydo bo’lganda kuzatiladi.

Girsutizm nima degani — ayollarda ortiqcha pigmentli junlarning o’sishi; soqol va mo’ylov paydo bo’lishi, tanada va qo’l-oyoqlarda jun o’sish bilan ifodalanadi; erkaklar jinsiy gormonlari ortiqcha ishlab chiqarilganda kuzatiladi.

Gisteroptoz nima degani — bachadonning o’rnidan siljishi, bachadon bo’yinchasi o’tirg’ich suyaklari qirralarini birlashtiruvchi chiziqdan pastda bo’ladi.

Gistiotsitoma nima degani — tarkibida ko’p miqdorda Tuto hujayralari va makrofaglarni saqlovchi terining tomir-biriktiruvchi to’qimali xavfsiz o’smasi.

Glas redutsirovanniy, redutsiyalangan ko’z nima degani — ko’zning soddalashgan fizik modeli. Optik sistemasida faqat bittagina nur sindiruvchi yuzasi bor.

Glaz sxematicheskiy, sxematik ko’z nima degani — ko’zning fizik modeli bo’lib, haqiqiy ko’zning o’rta fiziologik konstantalariga mos keladigan murakkab optik sistematik ko’z.