Автор: Admin

Kuch (kuchlanish, yuk) – kimdir tomonidan amalga oshiriladigan, yuklangan, biror narsaga tushgan narsa.

Kuch – 1) moddiy jismlarga ta’sir qiluvchi energiya, shuningdek intensivlik darajasi, uning kuchlanishi; 2) boshqa jism yoki maydonlardan berilgan jismga ta’sir o’lchovi bo’lgan fizik vector miqdori; 3) energiyani ishlatish jarayonida … Read More

Kursi – 1) binoning pastki qismi; 2) ustun tanasining pastki qismi, ko’zagi, poyustun; 3) o’tirishga mo’ljallangan uy jihozi, o’tirg’ich. Masalan: beton kursi, yog’och kursi va hokazolar.

Kurra – yumaloq, to’garak, shar shakli.

Kurzal – oromgohda konsert, majlislar va boshqalar o’tkazish uchun xona.

Kurash – salbiy omillar va hodisalarni bartaraf etish yoki kamaytirish choralari (harakatlari). Masalan: sizot suvlarga qarshi kurash, changga qarshi kurash, shovqinga qarshi kurash va hokazolar.

Kurakcha – yon qirralari yuqoriga egilgan kurak.

Kurakli (konveyer) – bir yoki bir nechta tortish zanjirlariga o’rnatilgan va quyma yuk qatlamiga botiriladigan qirg’ichlar yordamida harakatsiz tarnov-reshtak bo’ylab quyma yuklarning harakatlanishi amalga oshiriladigan uzluksiz harakatdagi tashish moslamasi.

Kurakda aralashtirmoq (kurakda aralashtirish) – belkurak bilan aylantirish yoki bir joydan ikkinchi joyga o’tkazish. Masalan: qorishmani kurakda aralashtirish.

Kurak (kurakcha) – qurilishda yerni kavlash va boshqa maqsadlarda (ortish, tushirish) ishlatiladigan qo’l asbobi. Masalan: g’isht teruvchi kurakchasi, yo’naltiruvchi kurakcha va hokazolar.