Автор: Admin

Kura (otashdon) – ma’dan eritiladigan maxsus o’choq.

Kurvi chuvach – odatda mato bilan qoplangan katta chodir.

Kurak (belkurak) – qum, qor kabi mayda narsalarni sidirish, yig’ish, surish uchun ishlatiladigan uzun sopli asbob. Asosiy qismi temir, yog’ochdan yasaladi.

Kundal – bo’rtma bezak turi. Usuli: yelimli ganch shakl ustidan bir necha marta suritiladi, qizil kesak loyi asosida bo’rtma gul yasalgach, ustidan mo’yqalam bilan rang va zarhal beriladi. Amir Temur … Read More

Kunda – qisman vayron kesib tashlangandan keyin qolgan va uning ildizlarini o’z ichiga olgan daraxt tanasining kichik qismi.

Kungura – qal’a devorlari yoki imorat aylanasiga tishga o’xshatib ishlangan bezak, devor tepasiga o’rnatiladigan maxsus shaklli qator.

Kungay – quyoshga yuzlangan tomon, taraf.

Kunbay ish (mardikorlik) – har bir ishlangan kun uchun kelishib, to’lanadigan ish haqi.

Kulxona – go’lax yonidagi kul yig’iladigan joy.

Kulohiy gumbaz – quloq (uchli qalpoq) shaklidagi gumbaz. Chashmai Ayub (Buxoro), Hazrati Imom (Shahrisabz), Qaldirg’ochbiy (Toshkent) kabi yodgorliklarda kulohiy gumbazning turli namunalarini ko’rish mumkin.