Рубрика: S harfiga oid pedagogikaga oid ensiklopedik atamalar

Spartan tarbiya-Spartada eramizdan avvalgi VII-VI asrlarda mavjud bo’lgan tarbiya tizimi.

“Sog’lom avlod uchun” xalqaro xayriya jamg’armasi-jamoatchilik kuchini, davlat tuzilmalarini sog’lom avlod uchun, onalik va bolaliki asrash yo’lida safarbar qiluvchi jamg’arma turi.

“Sog’lom avlod uchun” jurnali-O’zbekiston Respublikasi Vazirlar Mahkamasining 1995 yil 13 aprel qaroriga asosan tashkil etilgan ilmiy-tarbiyaviy, ommabop, bezakli oylik jurnal.

Sotsiopedagogika-pedagogik jarayonlarning jamiyat hayoti bilan aloqador jihatlari hamda jamiyatning ta’lim oluvchilar shaxsiga ko’rsatadigan ta’sirini o’rganuvchi pedagogikaning alohida tarmog’i.

Sotsiodrama-ijtimoiy masalalarni yechishga qaratilgan rolli o’yin va ishbilarmonlik teatri elementlarini mujassamlashtirgan ta’lim usuli.

Sonli ma’lumot-sifat ma’lumotlaridan farqli, iste’molga tayyorlangan sonli ma’lumotlar. Sifat ma’lumotlar kodlashtirilsa ham sonli ma’lumot hosil bo’ladi. Bunday hollarda ular ham sonli ma’lumotlar sirasiga kiradi.

Sirtqi ta’lim-ishlab chiqarishdan ajralmagan holda oliy va o’rta maxsus ma’lumot olish shakli.

Sirtdan o’qish-tegishli o’quv dasturi va rejaga ko’ra, asosan mustaqil ravishda chiqarishdan ajralmagan holda o’rta maxsus va oliy ta’lim olish jarayoni.

Sinflarni komplektlash-o’quv yili boshida o’tkazilib, o’quvchilarining yoshi, tayyorgarlik darajasi, sinfni to’ldirish me’yorlariga ko’ra ularning sinflarga taqsimlanishi.

Sinfdan tashqari o’qish-maktab adabiyot o’quv dasturida sinfda o’rganish uchun tavsiya etilmagan adabiy asarlar, yozuvchi va shoirlar hayoti va ijodi haqida tashkil etiladigan o’qishlar.