Рубрика: T harfiga oid iqtisodiy ensiklopedik atamalar

TOVAR TAQCHILLIGI — bozorda tovarlarning muntazam va surunkasiga yetishmay, ularga bo’lgan talabning doimo qondirilmasligi.

TOVAR TARQATISH — ishlab chiqarilgan tovarlarni iste’molchilarga yetkazib berish faoliyati.

TOVAR TANNARXI — tovarni ishlab chiqarish uchun bevosita, to’g’ridan-to’g’ri qilingan xarajatlar qiymati.

TOVAR TAKLIFI — bozorda mavjud bo’lgan tovarlar majmuyi.

TOVAR SIYMOSI — tovarning iste’molchilar ongida shakllangan tasavvuri.

TOVAR SOTISHNI RAG’BATLANTIRISH — turli vositalar, usullar, tadbirlar yordamida tovar sotuvchilar va oluvchilarning qiziqishini kuchaytirish.

TOVAR SILJITISH — tovar haqidagi ma’lumotlarni iste’molchilarga yetkazish va singdirish, iste’molchilar bilan aloqa o’rnatish faoliyati.

TOVAR SIFATI — tovarni iste’mol qilish va undan foydalanish jarayonida aniq ehtiyojni qondirish darajasi.

TOVAR O’RAMI — tovarni solish, joylash, saqlash uchun xizmat qiladigan idish.

TOVAR MARKASI — bir ishlab chiqaruvchi, sotuvchi tovarlarini umumlashtiruvchi va boshqalar tovarlaridan ajratib turuvchi nom, termin, belgi, tasvir, timsol yoki ularning birgalikdagi yaxlit shakli.