Рубрика: T harfiga oid iqtisodiy ensiklopedik atamalar

TOVAR NARXI — ayirboshlashda tovar uchun to’lanadigan mablag’, pul miqdori.

TOVAR KAFOLATI — tovarning iste’mol jarayonida ma’lum davr ichida o’z foydali funksional xossalarini to’la saqlab qolishi bo’yicha olingan javobgarlik, mas’uliyat.

TOVAR ISTE’MOLI — sotib olingan mahsulotdan foydalanish, uni ishlatish jarayoni.

TOVAR HAYOTINING BOSQICHLARI — tovarning hayotiy davrida unga bo’lgan talab xarakteri va uni sotish darajasi bilan belgilanadigan hamda ajralib turadigan alohida paytlar (bosqichlar).

TOVAR HARAKATI — tovarlarning ishlab chiqarilgan joydan iste’mol qilinadigan joygacha jismoniy harakati bo’lib, ularni joylashtirish, saqlash, jo’natish, tashish, yuklash, tushirish, zaxiralarini shakllantirish jarayonlaridan iborat.

TOVAR ASSORTIMENTI — foydalanish maqsadi, bir xil mijozlarga sotilishi, yoki bir xil do’ konlar orqali sotishni, yoki bir xil narxlar chegarasida sotilishiga qarab turib o’zaro bog’liq bo’lgan tovarlar guruhidir (avtomobillar … Batafsil

TOVAR BELGISI — qonun bilan himoyalangan marka yoki uning qismi, biror ishlab chiqaruvchining tovar va xizmatlarini boshqa ishlab chiqaruvchining o’xshash tovar va xizmatlaridan farqlash uchun mo’ljallangan original grafik tasvir, raqam, … Batafsil

TOTAL (HAR TOMONLAMA) YO’NALTIRILGANLIK — doimiy tarzda iste’molchiga yo’naltirilganlik, u bilan teskari aloqa o’rnatish hamda sotuvdan keyingi xizmat ko’rsatish hisobiga, mahsulotni tizimli takomillashtirib borish.

TOMOMAN (PRINSIPIAL) YANGI TOVAR — birinchi marta yaratilgan va hayotda o’z o’xshashlariga ega bo’lmagan tovar.

TOMMAZO KAMPANELLA — (1568-1639) italyan iqtisodchisi. Italiyadagi og’ir iqtisodiy ahvolni ko’rgan. “Oftob shahri” (1602 yilda yozilib, 1632 yilda chop etilgan) kitobida umumiy mulkchilik, mehnat asosida hayoliy sotsializm g’oyalari rivojlantirilgan.