M

M — o’zbek kirill alifbosining o’n to’rtinchi harfi. Ikki labning jipslashuvidan hosil bo’ladigan portlovchi jarangli burun tovushi. So’z boshida (maktab, muxbir), o’rtasida (mamlakat, sumalak), oxirida (qalam, salom) kela oladi. O’z va o’zlashma so’zlar tarkibida uning talaffuzi va yozilishida hech qanday farq sezilmaydi. Turkiy xalqlar, jumladan, o’zbek xalqi uchun umumiy bo’lgan yozuvlarda M harfi o’ziga xos shaklda bo’lgan.