So'zlar, atamalar va tushunchalarning ma'nosi
VOLTA — ingichka paxta tolasidan polotno o’rilishda to’qiladigan ipakdek mayin ip-gazlama. Fakturasi (to’qilishi) jihatdan batistga yaqin turadi, lekin undan bir oz dag’alroq bo’ladi. Ko’pincha, rang-barang gullar bosib, och va yorqin ranglarga bo’yab, ba’zan oxorlab va guldor qilib ishlab chiqariladi. Voltadan ayollarning engil yozgi ko’ylaklari va ich kiyimlari tikiladi.
