AVTONOMOV

AVTONOMOV Anatoliy Ivanovich (1898.24.2, Ivanovo-Voznesensk — 1968. 27.4, Toshkent) — selektsiyachi olim, O’zbekiston Fanlar Akademiyasi muxbir a’zosi (1952), professor. (1955), O’zbekistoda xizmat ko’rsatgan fan arbobi (1944). Ivanovo politexnika institutini tugatgan (1925). Turkiston selektsiya stansiyasi filiali mudiri (Bayramali shahri, 1925 — 30). Butunittifoq paxtachilik institutining Markaziy selektsiya stansiyasida sektor mudiri (1930 — 55), Toshkent qishloq xo’jaligi instituti paxtachilik kafedrasi mudiri (1946 — 68). Avtonomov 35-1, 35-2 ingichka tolali g’o’za navlari, Si-Aylend tipidagi navlar muallifi, yovvoyi Peru g’o’zasidan foydalanib, fuzarioz viltga chidamli, ko’saklari yirik ingichka tolali g’o’za navlari selektsiyasi usuliyatini ishlab chiqqan va shu asosda bir qancha g’o’za navlarini yaratgan. As: selektsiya tonkovoloknistix sortov xlopchatnika v Uzbekistane, T., 1973.