Vohidov Shavkat

Vohidov Shavkat (1932.11.10, Samarqand) — fizik olim, O’zbekistan Fanlar Akademiyasi akademik (2000), O’zbekistonda xizmat ko’rsatgan fan arbobi (1982), «Koinot» ilmiy ishlab chiqarish boshqarmasi Bosh direktori (1980 yildan). O’zbekiston Respublikasi kosmonavtika federasiyasi Prezidenti (1987 yildan), iqtidorli maktab o’quvchilari xalqaro aerokosmik maktabi tashkilotchisi va rahbari (1990 yildan). Ilmiy ishlari qattiq jismlar fizikasi, kosmonavtika, spektroskopiya, kristallografiya, radiotexnika va aloqa, asbobsozlikka oid. Vohidov rahbarligida orbitadagi sun’iy yo’ldoshlarga meteorlar, fazodagi chiqindilar yoki maxsus jismlar bilan ta’sir ko’rsatilganda shu hodisa qachon va qayerda sodir bo’lganligidan xabar beradigan ixcham yo’ldosh, shuningdek tabiiy ofatlar (sel, qor uyumining ko’chishi va boshqalar) yuz berishidan xabar beradigan va oldini oladigan asboblar, qishloq xo’jalik uskunalari yaratildi.