Seriya

Seriya (geologiyada) — mahalliy yoki regional stratigrafik shkala bo’limining geologik svitalarga nisba- tan yirik taksonometrik birligi. S. 2 va undan ko’p svitalarni birlashtiradi; quyidagi belgilar: tog’jinslarining hosil bo’lish sharoitining o’xshashligi (dengiz, kontinental, vulkanik va b.), ba’zi bir jinslarning ustunligi (cho’kindi, metamorfik, vulkanik), struk- turasining o’ziga xosligi (mineral zar- ralarni bir maromda joylashishi va b.) kabilar b-n svitalardan farq qiladi. S.ning geologik kesimidagi svitalar- ning yotish sharoiti va nisbati turli ko’rinishda bo’ladi. S. hajmi bo’yicha yagona shkalaning geologik bo’limiga muvofiq kelishi mumkin. S.lar ko’pincha birbiri b-n yirik stratigrafik bo’lim orqali ajraladi yoki katta burchak ostida nomuvofiqyotadi. S.ning odatda Strato- tipi bo’lmaydi. Hajmi uni tashkil etgan svitalar hajmi yig’indisiga teng. S. Geo- grafik joy nomi b-n ataladi. Mas, Ashi- na S.si (Ural rifeyida), Aravalli S.si (Hindistondagi Aravalli tog’tizmasi nomidan), Vaterberg S.si (Jan. Afri- kadagi Vaterberg r-ni) va h.k. Farg’ona botig’ida qalinligi 1030— 1220 m li massaget va Baqtriya S.lari ajratiladi. Xorijda S. (serie) geologik bo’limni ifodalaydi.