BO’ZTIKAN

BO’ZTIKAN (Sonchus) — murakkabguldoshlarga mansub ko’p va bir yillik begona o’tlar turkumi. Poyasi tik, bargi tikanli, gullari tilsimon, savatcha to’pgulga yig’ilgan. Urug’ida patsimon tuklar bor. 45 turi ma’lum, O’zbekistonda 5 turi tarqalgan. Sabzavot bo’ztikani (S. oleraceus), dag’al B. (S. asper), dala Bo’ztikan (S. arvensis) turlari g’o’za, sabzavotpoliz, sug’oriladigan ekinlar orasida, dalalar va boshqa yerlarda uchraydi. Dala Bo’ztikan aprel—may oylarida gullab, iyunda meva tugadi, bir tupi 53 ming donadan ortiq urug’beradi. Kurash choralari: kuzgi shudgor; simazin va paxta maydonlarida kotoran, kotofor yoki prometrin gerbitsidlari purkaladi.