CHUG’URCHUQLAR

CHUG’URCHUQLAR (Sturnidae) chumchuqsimonlar turkumi oilasi, 24— 26 uruqqa mansub po turi ma’lum. Tanasining uzunligi 17-45 satimetr, vazni 50-100 gramm. Oyoqlari baquvvat, yerda va daraxtda harakatlanishga yaxshi moslashgan. Voyaga yetganlarining rangi qoramtir, tovlanib turadi. Yevropa, Osiyo, Afrika, Avstraliyada tarqalgan (oddiy Chug’urchuqlar shimoliy Amerikaga olib kelingan). O’zbekistonda oddiy chug’urchuq, soch va mayna uchraydi. Uyasini kovaklar, qoya yoriqlariga, binolar bo’g’oti va boshqa joylarga quradi. Janub hududlarda yilida 3 martagacha 4-6 tadan tuxum qo’yib, nari va modasi navbat bilan 15-18 kun bosadi. Hasharotlar, ularning lichinkalari va mevalar bilan oziqlanadi. Ba’zan begona o’tlar urug’ini ham yeydi. Yaxshi sayraydi, mayna esa ayrim so’zlarni yodida saqlaydi va takrorlaydi.