ELEKTRLI LAQQA BALIQLAR

ELEKTRLI LAQQA BALIQLAR — Laqqalar turkumiga mansub chuchuk suv baliqlari oilasi. Uzunligi 65 santimetr (ayrim manbalarda 1 metrgacha), mo’ylovlari 3 juft. Orqa suzgichi bo’lmaydi, yog’suzgichlari yaxshi rivojlangan, ko’krak suzgichlari tikansiz. Terisi ostida juft elektr organlari joylashgan. Elektr organlari tanasining orqa va bo’yin qismi o’rta chizig’ida o’zaro yondoshgan bo’ladi. Elektr organlari og’irligi baliq tanasi umumiy massasining 25% ni tashkil etadi; elektr razryadi kuchi 360 V ga boradi. 1 turi G’arbiy Afrika suvlari va Nil daryosida tarqalgan. Olabula tusda. Ko’zi qorong’ilikda nurlanadi. Elektrli laqqa baliqlar elektr organlaridan o’ljasini tutishda foydalanishi aniqlanmagan.