SIYOSIY ELITA

SIYOSIY ELITA (fr. eng yaxshi, saralangan) — ancha mustaqil, oliy, nisbatan imtiyozli, kamchilikni tashkil etuvchi guruh. Bu guruh vakillari yuqori ruhiy, ijtimoiy va siyosiy sifatlarga ega va hokimiyatni qo’llash yoki unga ta‘sir etish bilan bog’liq qarorlarni qabul qilish, hamda amalga oshirshda ishtirok etadi. Siyosiy elita yorqin siyosiy rahbarlik sifatlari bilan ajralib turadi. Siyosiy elita muayyan sifatlarga yoki hokimiyatga kuchli ta‘sirga ega ijtimoiy guruhga mansublikni bildiradi. Siyosiy elita jamiyat rivojini maqsadlari va yo’nalishlarini ishlab chiqadi. U strategik jihatdan muhim qarorlarni qabul qiladi va ularni amalga oshirish uchun davlat hokimiyati egalik qilayotgan barcha manbalarni ishga soladi. Italiyalik ikki olim — G.Moska va V.Pareto va nemis olimi R.Mixels elitalarni siyosatning alohida sub‘ekti sifatida ajratib, uning amaliy faoliyatini o’rganadilar. Ularning ijodi elitologiya faniga asos soldi va unda ―makiaveli maktabi yo’nalishini tashkil etdi. Siyosiy elitalar tarkibiga siyosat bilib rasmiy jihatdan bog’langan, lekin siyosiy qarorlar qabul qilinishiga chetdan ta‘sir o’tkazadigan hukumron sinfning vakillari ham kiradi. Siyosiy elita strategik, kommunikativ, tashkilotchilik va jamiyatni birlashtiruvchi funksiyalarini bajaradi.