BOLA QOCHDI

BOLA QOCHDI — sunnat to’ylarida xatnaga yotqizish oddidan to’y bolani o’rtoqlari tomonidan qishloq yoki mahalladagi xonadonlardan biriga, ko’p hollarda, tog’asi, amakisi, ammasi yoki xolasining uyiga yashirish marosimi. Bola qochdi marosimi bolalarningjo’raboshisi rahbarligida o’tkaziladi. To’y bolani xatnaga yotqizish vaqti yetgach, uning otasi jo’raboshiga pul, ziyofat uchun masalliq beradi. Shundan so’ng bolalar to’y bolani yashirgan xonadondan olib keladilar. Bola qochdi marosimi qadimda to’ybolani yomon ruhlar xurujidan saqlab qolish, himoyalash maqsadida bir narsa yoki pul evaziga qayta sotib olish maqsadida o’tkazilgan. Keyinchalik bu marosim o’zining qadimgi sehrjodu qilish xarakterini yo’qotib, to’yni qizitish maqsadida o’tkaziladigan o’yinga aylanib qoldi.