Bo'lim: G harfiga oid tibbiyot atamalari

Gammaglobulinoprofilaktika nima degani – yuqumli kasalliklar maxsus profilaktikasi. Epidemiologik holat yomonlashganda kasallikka moyil insonlarda immunoglobulin kiritish yo’li bilan amalga oshiriladi.

Gamma-globulin(lar) nima degani – qon zardobining immunoglobulinlar fraksiyasi. Tarkibida antitelolar ko’p; kichik (alfa- va beta- globunlinlarga taqqoslaganda) elektroforetik harakatchanlikka ega.

Gameta(lar) nima degani – yetilgan jinsiy hujayralar. Urug’lanish jaryonida gametalar qo’shilishi natijasida yangi organizmnign rivojlanishi boshlanadi.

Gamartoma nima degani – tugunli o’smasimon hosila, to’qima va a’zolarning embrional rivojlanishi buzilishi natijasida paydo bo’ladi, u o’zi joylashgan a’zo komponentlaridan tashkil topgan bo’ladi, ammo differensirovka darajasi va noto’g’ri joylashishi … Read More

Galvanoterapiya nima degani – bo’g’im, mushak, nervlarning funksional va organik kasalliklarini davolash uchun doimiy (galvanik) elektr toki qo’llash.

Galvanopalpatsiya nima degani – shikastlangan a’zolar ustidagi terini kam kuchlanishli doimiy tok bilan ta’sirlab, ichki a’zolar va periferik nerv sistemasi kasalliklarida yallig’lanish jarayonining bor-yo’qligini aniqlashga imkon beradigan elektrodiagnostik usul.

Galvanokaustika, tirik to’qimalarni maxsus elektr bilan kuydirish nima degani – elektr toki o’tadigan maxsus uchlik (galvanokauter) yordamida tirik to’qimani kuydirish usuli.

Galvanoinduktotermiya nima degani – bemor organizmiga galvanizatsiya hamda yuqori chastotali o’zgaruvchan magnit maydoni bilan ta’sir qilishdan iborat elektr bilan davolash usuli.

Galvanogryazelecheniye, galvanic tok va balchiq bilan davolash nima degani – balchiqning anion va kationlarini organizmga kiritish maqsadida qo’llaniladigan davolash usuli.

Galvanizatsiya nima degani – past kuchlanish (30-80 V) va kam quvvatli (50 mA gacha) galvanic (doimiy) elektr tokini davolash maqsadlarida qo’llash.