Bo'lim: K harfiga oid iqtisodiy ensiklopedik atamalar

KONVERTATSIYA – bir tomondagi aksiya yoki obligatsiyani boshqa tipdagisiga shu kompaniyada almashtirish.

KONVERTATSION MARKETING -. Oldin chiqarilgan zayom shartlarini o’zgartirish. 2. Bir kompaniyadagi aksiya va obligatsiyalarni almashtirish.

KONVERTATSION JARAYON – materiallarning tovar va xizmatlarga aylanishi bo’yicha harakatning davom etishi (harakatlar shakllanishi, natijalar).

KONVERSIYA – (lot. conversio – o’zgarish) 1. Harbiy ishlab chiqarish va boshqa xil harbiy faoliyat sohalarining tinchlik maqsadlariga ko’chirilishi. 2. Korxonaning umuman boshqa turdagi mahsulot ishlab chiqarishga o’tishi.

KONVERGENSIYA NAZARIYASI – bu nazariyaning asosida kapitalistik ijtimoiy sistemalar o’rtasidagi iqtisodiy, siyosiy va mafkuraviy tafovutlar go’yo asta-sekin bartaraf etiladi, degan g’oya yotadi. Asosiy vakillari: U. Rostou, J. Gelbreyt (1908), Ya. … Read More

KONVERGENSIYA – 1. Marketingda talab xarakteriga ko’ra bozor turli bug‘inlarining bir-biriga uyg’unlashib borishi. 2. Birjada baholarning haqiqiy baholarga va fyuchers shartnomalariga ko’ra uyg’unlashishi.

KONTRAKTATSIYA – l) biror narsani muayyan muddatga olish va ma lum sharoitda foydalanish uchun tuzilgan shartnoma; 2) tayyorlash tashkilotlari bilan ishlab chiqaruvchilar, dehqonchilikmahsulotlarini tayyorlash yuzasidan har yili tuziladigan shartnoma.

KONTRAKT (lot. contractus – bitim, kelishuv) – mamlakatlar, firma, korxona va boshqalar o’rtasida o’zaro huquq va majburiyatlarni belgilash, o’zgartirish yoki to’xtatish to’g’risidagi ikki tomonlama yozma kelishuv, shartnoma.

KONTRAGENT – shartnoma bo’yicha belgilangan majburiyatlarni o’z zimmasiga olgan shaxs yoki muassasa.

KONTRABANDA (ital. contrabando) – davlat chegarasidan mollar, qimmatbaho buyumlarva boshqa narsalarni qonungaxilof (yashirincha) ravishda olib o’tish.