Bo'lim: N harfiga oid iqtisodiy ensiklopedik atamalar

NOSTRO HISOBVARAG‘I – bir bankning boshqa bankdagi hisobvarag’i.

NORMATIV (ME’YORIY) IQTISODIY NAZARIYA – iqtisodiy nazariyaning bir qismi, alohida firma va davlatning iqtisodiy siyosatini amalga oshirish uchun amaliy yo’riqlar ishlab chiqiladi. Birinchi marta A.Smit iqtisodiyot nazariyasi vazifalarini asoslaganda, ushbu … Read More

NORMAL TOVARLAR – iste’molchilarning daromadlari oshganda talab hajmi ortadigan tovarlar.

NORMATIV – minimal talab darajasida belgilangan, qurilish tashkilotining to’xtovsiz ishlashini ta’minlaydigan pul ko’rinishidagi oborot mablag’larining rejadagi miqdori.

NISBIY AFZALLIK PRINSIPI – D.Rikardo tomonidan izohlab berilgan prinsip bo’lib, ishlab chiqarish omillari (kapital, mehnat, yer) xarajatlarining afzalligini ko’rsatadi va tashqi iqtisodiy aloqalarda keng qo’llaniladi.

NISBIY AFZALLIK – ayrim iqtisodiy agentlarning tovar va xizmatlarni kamroq xarajatlar evaziga ishlab chiqarish xususiyati. Makro darajada nisbiy afzallik prinsipi ishlab chiqarish va eksportning samarali strukturasini shakllantirish uchun qo’llaniladi.

NETTING – mijozning barcha pul talablarini uning barcha pul majburiyatlariga nisbatan hisobga olish orqali amalga oshiriladigan kliring usuli.

NETTO-STAVKA- brutto-stavkaning asosiy tarkibiy qismi. Netto-stavka sug’urta qoplamasini to’lashga mo’ljallangan pul mablag’lari resurslari bo’lib, u brutto-stavkaning 90 foizigacha miqdorini tashkil etadi.

NETTO – o’ralmagan holdagi tovarning sof massasi; foiz skidkasini chegirgan holdagi tovarning sof bahosi; xarajatlarni chegirgan holdagi sof daromad.

NEGOTSIANT – boshqa mamlakatlar bilan yirik savdo ishlarini bajaruvchi tijoratchi, savdogar.