Bo'lim: O harfiga oid geografiyaga oid ensiklopedik atamalar

Organogen tog` jinslari – biogen jinslari – organik qoldiqlardan yoki organizmlarning faoliyati natijasida hosil bo`lgan minerallardan tashkil topgan cho`kindi tog` jinslari.

Ostonalar, ostona toshlar – daryo o`zanining qattiq jinslardan tarkib topgan sayoz yoki balandroq joylari. Ostonalar yaqiniga ko`pincha GESlar quriladi. Ostonalar kema qatnoviga va yog`och oqizishga xalaqit beradi. Buning uchun aylanma … Read More

Okeanografiya- 1) okeanologiyaning sinonimi; 2) dunyo okeanining gidrografik (fizik-kimyoviy) rejimi haqidagi fan; 3) okeanologiyaning regional, ya’ni aniq okean va dengizlarni tasvirlovchi bo`limi.

Okean qa’ri – Dunyo okeanining eng chuqur qismlari. O`rtacha chuqurligi 4000 m, maksimal chuqurligi 7000 m gacha. Okean qa`riga okean botiqlari va ularni ajratib turgan okean ko`tarilmalari kiradi.

Okeaniya – Tinch okeanning markaziy va g`arbiy qismlaridagi orollar to`dasi. 28°25′ sh. k. bilan 52°30′ j. k. hamda 130° shq. u. bilan 105° g`.u. oralig`ida. G`arbiy qismi Avstraliya va Malay … Read More

Ochiq dengiz – (xalqaro huquqda) hududiy suv chegaralaridan tashqarida bo`lgan, barcha davlatlar erkin foydalanadigan dengiz. Ochiq dengiz – materik chetlarida joylashib, keng masofada okeanga tutashgan dengizlar( Masalan: Arabiston dengizi)

Oykumena – grekcha oykeo – «yashayman», «joylashaman», ya`ni Yer yuzasining aholi yashaydigan, aholi istiqomat qiladigan qismi demakdir.

Oydin ko`l – atrofi ochiq, tiniq suvli ko`l.

Oy o`tovi – Oy nurining baland yupqa bulutdagi mayda muz kristallchalarida sinib hosil bo`ladigan rangli aylana; atmosferadagi optik hodisa. Bunday hodisa odatda siklonning iliq fronti kelganda ro`y beradi.

Oydin– 1) yuzasi toza, ochiq suv, ko`l. Oydinko`l; 2) to`lin oyli kecha.