Bo'lim: Q harfiga oid pedagogikaga oid ensiklopedik atamalar

Qo’llash-o’rganilgan o’quv materialini aniq sharoitlar va yangi vaziyatlarda tatbiq etish ko’nikmalari.

Qorixona-musulmonlarning diniy o’quv yurti.

“Qora quti” metodi-tahsil oluvchilar tomonidan mavzuni puxta o’zlashtirishga erishish bilan birga ularni faollikka undash, ularda hamkorlikda ishlash, ma’lum vaziyatlarni boshqarish hamda mantiqiy tafakkur yuritish ko’nikmalarini shakllantirishni nazarda tutuvchi interaktiv metod.

Qonuniyat-muayyan pedagogik jarayonga xos bosqichlar yoki ijtimoiy hayotning barcha sohalarida hodisalarning mohiyatli, ahamiyatli ob’yektiv mavjud, takrorlanuvchan aloqadorligi.

“Qobusnoma” – Sharq va Markaziy Osiyo xalqlari orasida keng tarqlagan axloqiy-ta’limiy asar, fors-tojik badiiy nasrining birinchi va yirik yodgorligi (XI asr).

Qobiliyat-o’quvchi yoki talabaning individual salohiyati, imkoniyatlari ifodasi. Qobiliyat bilimdan keskin farqlanadi, bilim mutolaa natijasi hisoblanadi.

Qisman izlanish faoliyati-o’quv faoliyati turi; tajriba va laboratoriya ishlarini bajarish hamda muammoli seminar va evristik suhbatlar jarayonida namoyon bo’ladigan o’quv faoliyati turi.

Qiroatxona-kutubxonaning o’quv zali; kitobxonlar matbuot nashrlari (gazeta, jurnal va boshqalar) va kutubxonaning barcha fondidan (jumladan, noyob va qimmatbaho nashrlardan ham) foydalanishlari mumkin bo’lgan maxsus jihozlangan xona.

Qiroat-Qur’on suralarini muayyan talaffuz va ko’tarinki ohang bilan o’qish va takrorlash.

Qiziqish-1) ob’yekt yoki hodisani anglash va biror faoliyat turini o’zlashtirishga moyillik; 2) o’quvchi yoki talabaninig o’zi uchun qimmatli va yoqimli bo’lgan muayyan narsa va hodisaga munosabati.