Bo'lim: T harfiga oid iqtisodiy ensiklopedik atamalar

TO’LOV QOBILIYATIGA EGA BO’LGAN EHTIYOJ – ehtiyojning ma’lum paytda to’lov vositasi (mablag’) bilan ta’minlangan qismi.

TO’LOV MANBAI – soliq to’lovchiga to’lovlarni amalga oshiruvchi yuridik shaxs.

TO’LOV FUNKSIYASI – o’yin natijasi bo’lib o’yinchining yutug’ini yoki yo’qotishini bildiradi.

TO’LOV AYLANMASI – mamlakat iqtisodiyotidagi barcha pulli to’lovlar (pul to’lovlarining) majmuyi (yig’indisi, to’plami).

TO’LIQ ISHLAB CHIQARISH HAJMI – resurslarni samarali taqsimlash, ya’ni qo’llanilayotgan resurslardan shunday foydalanish kerakki, bunda mahsulotning hajmi o’sib borsin.

TO’LIQ ISH BILAN TA’MINLASH – kasbga oid mehnat bilan ta’minlanish bo’lib, u shaxsga daromad keltiradi va o’zi hamda oilasining munosib turmush kechirishiga sharoit yaratadi.

TO’LDIRUVCHI TOVARLAR – birgalikda, komplektlarda iste’mol qilinadigan tovarlar.

TO’LIQ BANDLIK – ishlab chiqarish uchun yaroqli bo’Igan barcha resurslardan foydalanish. Ishchilar majburiy ishsiz bo’lmasliklari, ekiladigan yerlar va dastgohlar bekor turmasligi kerak.

TO’G’RIDAN-TO’G’RI XORIJIY INVESTITSIYALAR – o’zga mamlakat rezidentlari tomonidan boshqa mamlakat real aktivlariga mablag’ kiritish, uni tasarruf etish va ular ishlatilishi ustidan nazorat o’rnatish. Iqtisodiy hamkorlik va rivojlantirish tashkiloti tavsifiga ko’ra … Read More

TO’G’RIDAN-TO’G’RI INVESTITSIYALAR – bevosita mahsulot ishlab chiqarish yoki xizmat ko’rsatish jarayonini tashkil etish yoki yanada kengaytirish maqsadida xorijiy sheriklar tomonidan uzoq muddatli kapital qo’yilmalar kiritish. To’g’ridan-to’g’ri investitsiyalar investorlarga mazkur ishlab … Read More