Laqqa baliq

Laqqa baliq (Silurus glanis) – Laqqalar oilasiga mansub baliq. Bo’yi 5 metrgacha, og’irligi 300 kilogrammcha. Tanasi tangachasiz. Orqa suzgich qanoti kichik. Og’zi keng. Pastki jag’i uzunroq. Mo’ylovi 3 juft. Orqa tomoni zaytun tusda, ost qismi (qorni) esa oq. Yevropadagi ko’l va daryolarda yashaydi. O’zbekiston daryolarida uchraydi. 4-5 yilda voyaga yetadi. Bahorda yoki yoz boshida suv tubidagi uyasiga 480 mingtacha uvildiriq tashlaydi. Erkagi tuxumlarini qo’riqlaydi. Umurtqasiz jonivorlar bilan oziqlanadi. Ovlanadi.