Nikulin Yuriy Vladimirovich

Nikulin Yuriy Vladimirovich (1921.18.12, Smolensk viloyati — 1997.21.8, Moskva) — rus tsirk artisti, kinoaktyor. Tsirk san’atida mashhur masxaraboz (kloun) sifatida tanilgan. 1982 yildan Svetnoy bulvardagi Moskva tsirkining bosh rejissyori va direktori. Kinoda 1958 yildan suratga tushgan: «Kavkaz asirasi», «Brilliantli qo’l», «operatsiya I va Shurikning boshqa sarguzashtlari», «Daraxtlar katta bo’lganida», «Qaroqchi chollar», «Chuchelo» kabi filmlarda komik rollar bilan bir qatorda dramatik obrazlarni ham birday mahorat bilan ijro etgan. U kinoda yaratgan obrazlari orqali komik aktyor sifatida shuhrat qozongan.