Radiotexnika qo’shinlari

Radiotexnika qo’shinlari – havo hujumiga qarshi radiolokasion razvedka olib borish va bu haqda mamlakatni havo hujumidan mudofaa qilish qo’shinlari va boshqa qo’shin turlari tarkibidagi birlashma va qismlarni axborot bilan ta’minlash uchun mo’ljallangan qo’shin turi. Dushmanni radiotexnik razvedka kilish, uning radiotexnik vositalariga xalaqit berish hamda qurol, jangovar texnika va uchuvchi apparatlarni boshqarish uchun mo’ljallangan. Tashkiliy jihatdan radiotexnikaviy bo’linma va qismlardan iborat. Radiotexnika qo’shinlari sobiq SSSR qurolli kuchlarvda va ba’zi chet el armiyalarida 2-jahon urushi arafasida paydo bo’lgan. Radiotexnika qo’shinlari turli xil radiolokasion stansiyalardan foydalanadi. O’zbekiston Respublikasi Qurolli Kuchlarida ham mavjud.