Uznadze Dmitriy Nikolayevich

Uznadze Dmitriy Nikolayevich [1886.20.12(1887.1.1), Gruziyaning Zestafon tumani Sakar qishlog’i — 1950.12.10, Tbilisi] — gruzin psixologi va faylasufi. Gruziya Fanlar Akademiyasi akademik (1941). Leypsig (1909) va Xarkov (1913) universitetlarini tugatgan. 1915 yil Gruziyada gruzin tilida o’qitiladigan xotinqizlar o’rta maktabini tashkil qilgan. Tbilisi universitetining asoschilaridan (1918) biri. Uning tashabbusi bilan bu universitetda psixologiya bo’limi, kafedrasi va eksperimental psixologiya laboratoriyasi ochilgan. Gruziya Fanlar Akademiyasi psixologiya institutiga asos solingan vaqtdan boshlab uning direktori bo’lgan (1950 yildan Uznadze nomida). U tafakkur, nutq, idrok, faoliyat psixologiyasiga oid bir necha asarlar yozgan. Psixologiyada ustanovkaning original nazariyasi, shuningdek, psixologiya fanining turli sohalari bo’yicha darsliklar muallifi.