XITOY FANLAR AKADEMIYASI
XITOY FANLAR AKADEMIYASI, XXR Fanlar akademiyasi — Xitoyning oliy ilmiy muassasasi. Fanning barcha sohalari bo’yicha tadqiqotlarni muvofiqlashtiradi, ko’p ilmiy tadqiqot muassasalariga rahbarlik qiladi. Nankindagi Markaziy ilmiy tadqiqot akademiyasi va Pekin ilmiy tadqiqot akademiyasi negizida 1949 yil noyabrda Pekin shahrida tashkil etilgan. Akademiya tarkibida fizika matematika, va kimyo fanlari, biologiya fanlari, geologiya va geografiya fanlari, texnika fanlari, falsafa va ijtimoiy fanlar bo’limlari, 80 ga yaqin ilmiy tadqiqot muassasasi mavjud.