YEVROPA YADRO TADQIQOTLARI MARKAZI

YEVROPA YADRO TADQIQOTLARI MARKAZI (Fransuzcha Conseil Europeen pour La Recherche Nucleare — CERN) Yevropadagi 12 mamlakat (Avstriya, Belgiya, Buyuk Britaniya, Gresiya, Daniya, Italiya, Niderlandi, Norvegiya, Frantsiya, Germaniya, Shveytsariya, Shvetsiya) ilmiy tadqiqot muassasasi. Unda elementar zarralar fizikasi sohasida nazariy va eksperimental tadqiqotlar olib boriladi. YUNESKO rahnamoligida 1954 yil tashkil qilingan (markazi Jeneva yaqinida). G’arbiy Yevropadagi shunday tadqiqotlarni muvofiqlashtirib turadi. Yuqori organi — Kengash. 600 MeV quvvatli sinxrotron (1957), 28 GeV li (1959), 400 GeV li (1959) va 400 GeV li (1975) sinxrofazotronlar, yig’uvchi proton halqalari va hokazolar bor.