Xuan Karlos I

Xuan Karlos I (Juan Carlos I; to’liq nomi — Xuan Karlos Viktor Manuel de Burboniburbon) (1938.5.1, Rim) — Ispaniya davlat arbobi. Barselona grafi don Xuan o’g’li, qirol Alfons XIII nevarasi. Madriddagi «Sanisidro» kollejini tugatgan (1954), umumqo’shin, harbiydengiz va aviasiya bilim yurtlarida o’qigan (1955-59). Armiya, aviasiya va flot General-kapitani. Madrid universitetida tarix, falsafa, iqtisodiyot fanlarini o’rgangan (1960-62), Ispaniyadagi turli vazirlik va davlat muassasalarida tajriba orttirgan. 1969 yil Ispaniya davlat boshlig’i general Franko Xuan Karlosni o’zining rasmiy vorisi — Ispaniya shahzodasi etib tayinlagan. Franko vafotidan so’ng, 1975 yil 25 noyabrdan Ispaniya Qirolligi qiroli. Ayni vaqtda Ispaniya qurolli kuchlari bosh qo’mondoni.