BIO (BIOT) JAN BATIST

BIO (BIOT) JAN BATIST (1774-1862) — frantsuz fizigi, geodezisti va astronomi. Parij Fanlar Akademiyasi a’zosi (1803), Peterburg Fanlar Akademiyasi xorijiy faxriy a’zosi (1819). Ilmiy ishlari yorug’likning qutblanishi (uning nomi bilan ataluvchi qonun), elektr tokining magnit maydoni (Bio Savar qonuni) va akustika sohalariga oid. Bio fan tarixi masalalari bilan, xususan I. Nyuton ishlarini o’rganish bilan shug’ullangan. Bio eksperimental va matematik fizika kursi darsligi (1816) muallifi.